Syniadau da ar gyfer ymdrin â sgyrsiau heriol
Yn Grasshopper, un o elfennau mwyaf cadarnhaol y gwaith sy’n cael ei wneud gan ein tîm ymgysylltu â rhanddeiliaid a’r gymuned yw’r cyfle i siarad ag amrywiaeth eang o aelodau’r gymuned.
Ar y llaw arall i hyn, un o rannau mwyaf heriol y swydd yw’r angen i drin sgyrsiau heriol weithiau gydag aelodau o’r gymuned sy’n cael eu heffeithio’n arbennig gan rai o’r prosiectau rydym yn gweithio arnynt, sy’n bryderus yn eu cylch neu sy’n anhapus mewn egwyddor â nhw.
Mae hyn yn arbennig o berthnasol yn ystod digwyddiadau ymgynghori, ond gall hefyd fod yn wir wrth reoli ymholiadau o ddydd i ddydd megis dros y ffôn.
Mae’n hanfodol sicrhau bod aelodau tîm y prosiect yn gallu tawelu sgyrsiau anodd, a bod ganddynt y sgiliau a’r hyder i lywio deialog er mwyn sicrhau canlyniad cadarnhaol a chynhyrchiol.
Yn y pen draw, mae aelodau’r gymuned eisiau teimlo eu bod yn cael eu clywed, a’n gwaith ni yw sicrhau bod hynny’n digwydd, gan hefyd ddiogelu lles aelodau ein tîm.
Dull defnyddiol yr ydym wedi’i ganfod pan fydd sgyrsiau’n dod yn fwy anodd yw’r model LEAPS, sy’n nodi rhai syniadau da i aelodau tîm sy’n wynebu gwrthdaro:
Gwrandewch
a gadewch i’r person wybod eich bod yn cymryd nodiadau a gofynnwch iddo egluro ei safbwynt.
Gwnewch yn siŵr eich bod yn deall y pwyntiau allweddol sy’n cael eu codi.
Cydymdeimlwch
er nad o reidrwydd yn cytuno e.e. “Rwy’n deall pam y gallech feddwl hynny”.
Gofynnwch
darganfyddwch y ffeithiau. Beth yw’r gwir resymau dros gyflwyno’r credoau?
Ceisiwch nodi o le y gallai unrhyw gamddealltwriaeth neu ragdybiaethau anghywir fod wedi dod.
Aralleiriwch
i wirio eich bod yn gallu cynrychioli barn y person yn gywir e.e. “Dim ond i grynhoi, dyma’ch sylwadau.’
Byddwch yn glir ynghylch y pwyntiau a godwyd.
Crynhowch
y camau y byddwch yn eu cymryd a gwnewch yn siŵr eich bod yn cyfathrebu sut y byddwch yn dod yn ôl atynt. Cytunwch ar y pwyntiau gweithredu.